Ikasleekin ikus-entzunezko hainbat proiektu egin ditut irakaskuntzan. Adin ezberdinetako ikasleei film eta dokumentaletan ikus-entzunezko lengoaiaren erabilpena erakusteaz gain, komunikazio helburua ondo zehaztearen garrantzia landuz.
Nire bizitza profesionalean erregistro hau etengabe txertatu dut nire irakaskuntzan. Kazetaritza ikasketak amaitu eta irakaskuntzan hasi nintzan. Hizkuntza irakasle gisa hasi nintzen, eta ikus-entzunezko hizkuntza bat gehiago izan da niretzako.
Proiektu eta konpetentziak irakastearen beharra egungo irakaskuntzan punta punta dagoen honetan, adierazpen artistiko askotarikoak eta sormena ezin bestekoak dira. Ikasleen sormena garatzeko, tresnak eman behar zaizkie, eta metodologia teorikoaz gain, proiektu praktikoak eta errealak ezin bestekoak direla garbi dago eta hala uste dut nik.
Bigarren Hezkuntzako ikasleekin Ingeles ikasgaian hainbat dokumental ekoiztu eta Europako beste ikastetxeetako ikasleekin partekatu ditugu. In Europe Schools proiektuak dokumentalen ekoizpenerako tutorialak eskaintzeaz gain, Europako ikastetxe ezberdinen arteko loturak sortzen ditu.
2021-22 eta 2022-23 ikasturtean gai desberdinen inguruko dokumentalak sortu genituen: Difficult History (historiaren zailtasunak), Gender Equality (genero berdintasuna) eta Migration (migrazioa).
Gai sozialak herriko jakitunei egindako elkarrizketen bidez landu dira, honekin batera dokumentalen ekoizpeneko atal desberdinak landu dira: gidoigintza, antolaketa, plangintza, grabazioa eta edizioa.
Paz de Ziganda ikastolako LH5.mailako ikasleekin sortutako film laburren bilduma batetik eta Andramendi Ikastolako DBHko ikasleekin sortutakoak bestetik biltzen dira hemen. Proiektu hauek guztiak oinarri komunikatibo batetik sortuak dira, hau da, landutako gaiak irakaskuntzan transbertsalak dira. Teknikoki, ikus-entzunezko hizkuntza landu da, ideiaren lanketa sakona egin ondoren, gidoi literario eta teknikoak idatzi eta grabazio plangintza zehaztuz. Grabazioa eta edizioa ere ikasleen esku egon zen.
