Nor naiz

Sortzailea, autonomia handiz lan egiteko gaitasunarekin eta berrikuntzetara egokitzapenean ahalmena. Jarrera oso proaktiboa eta taldean lan egiten gaitua, talde lanen gidaritzarako trebeziarekin. Diziplina anitzetan aritua naiz, bete behar aniztasuna kudeatzeko prestua eta estres egoeren kudeaketan iaioa. Bide berrien bila eta egoerei aurre egiteko irtenbide desberdinen bilaketarako joera. Sozializatzeko eta lagun hurkoari laguntzeko beti prest.

2000. urtean hasi nintzen irakaskuntzan. Lehen urratsak Paz de Ziganda ikastolan eman nituen gaztelania irakasten. Pare bat urte beranduago ingelesa irakasten hasi nintzen. Bertan film laburren tailerraren irakaslea ere izan nintzen eta irrati arduraduna irratsaioen podcasta sortuz. 2017an Andramendi Beasaingo ikastolan hasi eta bertan ingelesa, antzerki, pentsamendu kritiko eta komunikazio tailer irakaslea izan naiz. Bi ikasturtez, web gunearen arduraduna izan naiz Joomla erabiliz eta Canva diseinuak txertatuz.

Irakasle lanetan hasi orduko IKT online ikastaroak ia urtero egin ditut: Google Drive tresnak, Power Point, irudi digitalen trataera eta manipulazioa, Audacity audio trataera, oinarrizko Linux (Konnopix), IKTak ikasgaietan nola txertatu, LHko konpetentzia digitala, Ikus-entzunezko ekoizpena ( gidoigintza, grabazioa eta edizioa), prentsa hezkuntza gisa…

Paz de Ziganda ikastolan IKT dinamizatzaile taldean ikasturte batez aritu nitzen.

Nafarroa Oinez 2010 makro-festaren komunikazio zuzendari lanak egin nituen urte eta erdiz irakasle lanarekin batera. Bete beharren artean prentsaurrekoak, zabalkundea eta komunikazio koordinazioa zeuden.

Ikasleekin irakatsi ditudan ikasgaiaren curriculumean ahalik eta IKT baliabide gehien erabiltzen erakusten saiatzen naiz eta bereziki komunikazio tailerrean garatu ditut konpetentzia digitalak. Ikasgai honetan ikasleek aldizkari digitalak, irratsaio podcastak, web guneak eta ikus-entzunezkoak sortu dituzte.

2021-22 eta 2022-23. ikasturteetan kaixomundua.eus web guneen saria jaso zuten DBHko ikasleek komunikazio tailerrean egindako web guneen garapenagatik.

Konpetentzia digitaletan etengabe eguneratzeko prest egon naiz beti eta hala jarraitzen dut.

Dantzak nire bizitzan zati oso garrantzitsua betetzen du. Bai bertan zein atzerrian harremanak eta aurkezpenak aurrera eraman ditut azken urteetan.

Aurtzaka dantza taldeko kidea naiz 1979.enetik eta 2024. arte, hamabi urtez, taldeko lehendakaria. New York-eko euskal etxeko dantza taldean (1999) dantza egin nuen eta; Arrateko Amaren Kofradiako Ohorezko kidea ere banaiz 2013. urtean izendatua. Dantza irakaslea Aurtzakan hainbat urtez (1986-1991) eta ikastetxeetan (2019-2023), gaur egun Beasaingo Loinatzetako dantzari txikiekin eta Asmube elkartean dantza irakasten dut. Beasaingo zenbait dantza-ekitaldiren sustatzaile nagusietakoa izan naiz: Igartzako dantzarien kofradia eta Beasaingo Sanjoanetako esku-dantza, besteak beste. Dantza Beasainen. Aurtzakak 25 urte (2004) liburuaren kolaboratzaile baita Beasaingo neskatxen San Joan esku-dantza. Naturarekin dantzan (2013) DVD-liburuxkan ere Dantzaguneko Sortutakoak sarian epai mahaikide 2019an eta 2021ean “Azken dantza maisua” dokumentalean ekoizpen lanetan kolaboratzaile. Euskal dantza tradizionalaz gain, Arteriako bilatzailearen erabilera sustatzeko beka irabazi genuen 2021ean Beasaingo DBH2.mailako ikasleekin aurrera eramandako Kolorekultura dantza proiektuarekin.

Aizkorri mendizale elkarteko bazkidea eta elkarteak antolatzen dituen ekintzetan antolakuntza lanetan era bat murgildua nago. Tomas Salazar Aizkorriko Birako antolatzailea eta prentsa arduraduna naiz 2014.enetik.